Johannes Plavius ( 1600 †1630 )



Wilt du lang' im friede leben/
Wilt du/ daß sich allgemach
Dein vnglücke/ wie ein bach
Mag verlauffen/ so merck' eben:
Lass den mund nach friede streben/
Rede keinem übel nach/
Rede keinem nichts zur schmach/
Rede was kan friede geben.
Lass einn jeden seyn vnd bleiben/
Wilt du grünen vnd bekleiben/
Jedem ist sein ehre lieb.
Wer dem näh'sten vnbescheiden
Wil sein ehr' vnd glimpf abschneiden/
Der ist ärger als ein dieb.


Quelle: https://gedichte.xbib.de